INSTALACIÓNES / Unidade de Traballo Social

Vivenda Comunitaria

Información

A residencia comunitaria presta, desde setembro de 2012, o servizo de coidado e atención a maiores de modo continuado as 24 horas os 365 días do ano. Ten capacidade para 12 residentes, tendo preferencia os veciños e veciñas de Castrelo de Miño. Así mesmo, poden acceder a este servizo de vivenda os maiores cunha dependencia recoñecida de Grao I.
 
Formado por unha soa planta, dispón de 400 m2 útiles que adoptan a forma dun fogar común con dormitorios, espazos comúns, cociña, sala de estar, comedor, almacén, lavandería ou aseos adaptados. Ademais do aloxamento e manutención, ofrécese o servizo de xestión sanitaria, dosificación de medicamentos, actividades de lecer e tempo libre, todo desde un prisma de proximidade á contorna de procedencia do residente que evite o desarraigamento.
 
Para obter información relativa ás tarifas da Vivenda Comunitaria de Castrelo de Miño ou de requisitos para acceder pode poñerse en contacto coa Unidade de Traballo Social do Concello en benestar@castrelo.org, no 988 493 000 ou nas dependencias municipais.

Localización